18/10終於可以訓晏d, 都好像09:00起身了~ 一齊食早餐後決定往特色景點菲律賓市場逛遊, 成個行程熟路又好記性的鼠鼠好利害~ 我入市場如入迷宮… 但只是井字型整齊排列… |||= = 途中有2隻過街老鼠, 我地買了鼓、散子包、T裇、不求人、香薰、得返一把的扇、鏡裝飾、我愛的蚊香壺~ 好開心… 買完又在市內亂走, 又買到長衫, 可惜亞鼠晚上太攰不肯換上比我影相 =3= 見到藥房有個無論如何都是華僑的人馬上去問邊度食肉骨茶或拉茶, 點知未夠鐘開門無去, 反而買埋相機、葯丸、朱古力~ 換了街頭小食咸糕點$1、雞腎矮瓜黃薑飯$2、咖喱薯仔雞走雞$5, 拎返酒店品嚐品嚐 X9~ 返到酒店撞正執房, 出露台飲食更覺享受~ 薯仔真是超級正~ 我們到了這個極滿意的5星酒店, 還是要偷點時間游下水, 慣性雨雲又迫近, 落水游了2個圈, 原來池都幾深架~ 玩了一陣水球~ 上樓又出事… 我丟失了鎖匙 >.< 怎麼我總是論論盡盡… 還好5星免費提供另一條給我們了~ 因為咁, 我地上樓已無時間沖洗~ 揼底D野馬上落樓搭接送van仔往SPA仙境~ 到站沖返個靚涼, 做個香薰按摩, 環境暗淡燈光柔和, 只是我不停在講野, 破壞了咁relax既氣氛~ 好開心可以帶亞鼠一整試這個舒適的節目~ 做好我們往市區飲野睇利記對韋根, 風迴路轉, 利記返勝3:2~ 其間突然呯呯聲, 行出去睇原來不遠處在放煙花~~ 好靚呀~ 原來撞正馬來總理到訪沙巴, 少有的煙花竟被我們遇上了, 好彩我們選了這間只有薯條、雞亦的戶外酒吧, 真好運~ 以為返酒店可睇紅魔鬼, 點知係無架…失望的人執好野準備聽日起到身就殺埋個Sunday market!!!

19/10最後一日, 4點先訓 07:30竟然起到身 ^^ 我地就決定先去market後食早餐~ 市集非常大, 類似花園街, 值得一行~ 賣的東西好平, 買手信應該去呢度才是… 買了辣醬、衫、影下相, 還有時間食埋早餐~ 終於要搭送接專車出機場, 到機場買到雪條~ 今次旅程撞正十五, 月亮又圓又光又大~ 星星都呢埋了~ 還好看了螢火蟲~ 好想再玩多2,3日~ 神山也未上~ 亞鼠都好想好想~

16/10一早食完早餐08:15落大堂往九如河初級激流, 咁早原來要到Nexus酒店接另一對團友, 要花九個字才去到果度… 順便參觀下同市的五星酒店吧~ 係咁咦睇下絕對覺得我們選的Shangri Tanjung Aru係最好的, 比較寬敞及有格調~ ^^ 而且無論去機場或市區也只須15分鐘~ 正！導遊哥哥很nice, 傾下計無乜野做~ 2個鐘訓下教好快到了河流, 女教練話今日的河屬於乾塘程度… 我們4個各查船掌落河, 慢慢爬, 其實不是由得條河沖條船的, 好彩之前同亞鼠去玩過龍舟, 大家也算用了點力~ 唯有一條女完全無出半力… 冏… 爬到散曬, 亞鼠也爬到喝喝聲 ^^ 中途沒有玩反艇, 但我同亞鼠都有落水玩下~ 我苯陳連埋部機跳河出事~ 相機身故了… 跟住亞鼠見到有另一條船的人甚至爬上岩石上玩跳河, 貪玩的亞鼠又要過去玩, 我咪跟住一齊去, 點知亞鼠游到中間比水流推走… 我泳術也不太好, 游到腳趾抽筋才到岩邊, 我諗, 要過去陪亞鼠… 最後無去, 等教練出手, 亞鼠好驚呀~ 我呢個仆街真係死仆街, 如果亞鼠有咩事, 沖左去大西洋, 我就唔死都無用了~ 好彩亞鼠無乜事, 而且也沒怪我整壞機, 真太好了~ 爬得好累, 中途已決定邊度都唔去, 返酒店個sunset bar度睇日落, 但馬來西亞不嬲在黃昏都會下大雨, 我地呢次旅行沒有例外~ 所以只見到靚靚的雲霞, 用住亞鼠個樂記相機影住先~ 亞鼠好鐘意睇日落 ^^ 睇完靚靚日落跟住又去找 local tour摸門釘, 好彩打電話去之前上網找到的agent, 訂實第日去半日島遊加睇螢火蟲~ 然後約左激流果一對去海皇城食海鮮, 對男女好叉煩 ^^ 食左當地賴尿蝦、扇貝、跳螺、枇杷蝦、老鼠斑同一碟菜、一個清甜椰青 X9~ 食唔到賣曬的椰子蟹同太貴的老虎蝦~ 食完差唔多十一點, 回程又買點啤酒返酒店休息~

6/10重陽節同力高同安全佬去澳門做威尼斯會員, 登記第日可以免船費來回氹仔 ^^ 成日無心賣甩左米雪, 之前仲有普洱 m(_ _)m 一放工即刻去上環, 18:30上船, 車駁車路過澳門直逹拱北, 先找宿一宵的地方$138再出去符近打邊爐~ 本來以為揼骨過夜的, 但同伴沒有此打算~ 為什麼呢~ 打邊爐好新鮮 X9~ 但生猛海蝦起腳勁射麻辣湯, 射中鼠大人件衫.... 冏... 小人唯有硬著頭皮繼續食, 返去洗過再交貨... 食完行返轉頭再買串燒, 太飽叫了3串野食, 我食左2串, 麻麻地呢~ 返去玩下啤牌訓了硬床, 亞鼠就無曬知覺 |||= = 起身0930睇電視陳O迅演唱會, 呆等同伴起身, 直至12點, 又食四川野, 好好味~ 巴蜀風以外另一選擇~ X9~ 跟住安全佬去揸高卡車, 上次玩過一次幾刺激, 但太貴我唔捨得玩~ 顆拍亞鼠買女人野~ 抵買掛 ^^ 跟住搭車返威尼斯 lu~ 此行目的~ 玩左個半鐘, 驚險執返百八蚊~ 點知無咁著數, 職員話船飛爆曬, 等03:00啦~ |||="= 死火... 安全佬被惱嘈亞叔檔住都換左0300先, 一齊向碼頭後補碰運氣~ 去到有女人不停叫人換飛, 亞鼠第一個發覺佢係黃九老千黨, 免致了助長歪風及浪費一百元的慘事~ ^^b 最後都搭到0100的飛, 返到牛舍已經0400了... 翌日不幸訓死了...

21/9 亞鼠開始病到唔清唔楚... 22/9同23/9都射個靚波~ 希望妳係豆好好休息同享受啦~

14/9/08 中秋節~ 我同亞鼠去了南丫島, 今年是綠色楊桃燈籠~ 午飯水煮薯仔, 亞鼠最愛 X9~ 加上我鐘意的沙爹串燒, 完美組合~ 滿足後到洪聖爺沙灘賞月, 無聊卻蠻享受佳節氣氛, 有人在圍著自己的沙坑放著小燭台, 也滿多人玩螢光棒, 滿眼五顏綠色~ 月光超大、超絞潔~ 第日又食水煮薯仔 |||= = 不如返去研究下點整吧~ 趕住返去追月, 開下雀局又過了骨, 之後要努力清掉月餅及水果~ ^^

15/9又抄, 抄咩唔記得了~ 但重要的還是重要~ 就係咁簡單~ 近日NB成功裝了 window 及上網, 多得朋友們頂力幫助, 一定要請食飯啦~ 亞鼠也好開心 ^^ 亞鼠呢個禮拜又比耳瘡折磨, 好可憐... 我也束手無策, 快點好返哦 /_ 游水咩咩都不重要~

我和師父都係X迷, 可以每個星期一齊睇好開心 ^^ 收到了英軍禮物, 要回禮呢~ 上個半月無波睇, 唔知點解好鐘意睇波...

上期唔記得寫颱風北冕同鸚鵡, 2次都係打風前唱K, 咁就不冤此風, 不禁想起蕉園災難式狂風掃落葉~ 但都會諗起可以打牌都只係得蕉園至得...

3/9師父又重複又重複教了我很多, 師父太鍚我了 XD~ 接二收到令人吃驚的消息, 我會用以借鏡~ 這次談後也很愉快, 也更親親了^^

5/9又去挑戰燃燒生命龍舟, 不過無乜得燃啦~ 周身骨痛了3、4日, 今次因為師交未去過, 所以揸流攤都要去一次, 估唔到亞鼠非常落力~ 失敬失敬~

6/9放曬所有人飛機, 留返屋企dump時間~ 夜晚去亞洲博物館睇小肥+劉龍+何詩+張軒~ 何C最注目！軒仔壓軸走音 ^^ 免費飛, 係咁上下啦~

7/9同普洱、米雪、雞脾、亞鼠、安全佬一起去南灣relax~ 我落水一個鐘, 又無人陪~ 不過好耐無去過沙灘啦~ 有咁多人去好高興~ 亞鼠尋日踢偒了趾公... 無得落水~ 小人幫手包紮了, 希望趾公快d好~ 又啤酒又紅酒都係第一次... 大家開心就OK, 落水好似唔太好吧~ 跟住落 出同入 飲野食飯掟花生, 雞脾一直介紹食開的三文魚薄餅+芝士乜通粉超好味 X9~

8/9陪人食飯局, 有咁長情的舊同學真好~ 就算性格相差幾遠都好~

9/9瞞住師父買禮物, 適逢中秋送冰皮~ 隱瞞都幾辛苦, 大人太清楚小的行蹤^^a 但好值得, 好開心~ 因為妳都開心~

26/7去書展, 等左一陣先去食午餐, 下午才同師父殺入場, 買左本煲湯書, 之後連同老哥一齊去漫畫展, 今年連Store都縮埋水... 然後去電腦節, 星期五打九號鸚鵡風, 中曬打風照開的吹牛報導, 仲要無去門口咕噪... 蝕曬~ 睇左X-file, 似偵探片多過懸疑, 但見到相熟的角色仍覺得很開心~

8月開始了中國2008奧運會, 因工作用的電腦相當老爺, 所以無效法部份消遙份子觀看直播賽事, 好彩返牛舍睇都睇返唔少, 包括今年最好看的中國女排^^ 中國第一重炮及雷sir生色不少~ 上屆愛看的乒乓波、羽毛球、跳水、體操、舉重、柔道等, 好滿足了~ 之期在餐廳睇開幕典禮, 雖然是假像, 但都好靚, 中國人齊到咩咁~ 西利~ 同時一邊食生泰式酸辣蝦一邊談輕生, 諗起蝦就覺得生物就要求存吧~

然後都無去特別的地方, 都是唱K食飯返大陸, 心理波幅好像恆生指數, 沒問題吧~

21/6 去大埔睇螢火蟲, 去到集合地點團體分批搭的士上蟲仔園, 又可以叫猛鬼橋, 話以前有個老師同一班學生係橋底避雨比突如其來的洪水溺斃而得名~ 一上山用電筒照斜坡引水管搵甲怪, 然後一個截水閘池上有隻蛙, 約19:00有幾隻果蝠飛過~ 一路見到中國蜥蝪、佢地d蛋, 蜘蛛、足節蟲、蚱蜢等, 去到蛙池鬼殺咁嘈, 但反而不易見到青蛙~ 沿途反而見到普遍的沼蛙、會退後的牛蛙、的適的樹蛙, 仲有隻粗邊的※蛙唔記得個名啦~ 導遊話要睇蛙, 最好沿著水流睇, 可以睇到好多野, 山邊係無野好睇既~ 郊外好多星星, 可惜無停留慢慢睇, 中途一隻好靚既天牛註足係欄杆, 話係食木o既~ 所以入口樹木或傢俬會查得比較嚴, 我未見過, 覺得好靚~ 到某d山谷位或者橋底, 有些螢火蟲聚集, 四圍靜靜地, 聽到流水聲, 幾點光~ 雖然不多, 也不錯啦~ 細個唔洗專登上山睇的螢火蟲, 而家要去到老遠先見得返~

6/7睇左街頭超人, 同老哥一齊睇星期日早場, 估唔到都幾好睇, 以為只係一部搞笑加寂寞超人片, 原來仲有另人意外的劇情, 只有細心才會發現到, 我太粗心啦~ 12/7又睇戲, 睇赤壁, 被搵苯, 睇完至知要下集才有火燒連環船.... 從戲名完全無呢個說明 ="= 如果唔係, 我可能只會睇下集, 最深印像係關羽每個畫面都好有post, 其他一般啦~ 中國景幾靚~ 睇完戲最擔心的事出現了, 係咩事就唔講啦, 我希望幾個歲月後回頭看, 結果會發現只是小事, 一個小風波~ 好快過 ^^