香港新浪網MySinaBlog 精選話題工具
新浪網 - MySinaBlog
« 上一篇 | 下一篇 »
過日子~
陳牛角 | 11th May 2009, 15:07 PM | 一般
太耐無寫Blog… 覺得自己太差了~ 唯有盡量寫吧~ 16/4去新都會睇青目(雪橇狗公仔)的展覽, 因為地點關係, 我去到鼠大人已經將展覽品影得八八九九~ d展品靚就靚, 多數都係索膠公仔同相, 但無精品買 / _ \ 同埋已過了狗明星出場的日子~ 失色一點~ 難得青目咁型仔~ XD~ 展品中我最鐘意騎士裝扮玩具~17/4 噹噹急性腸炎, 放工返屋企周地屎, 咁o岩約左普洱唱生日K, 搞到去唔到又蝕左個蛋糕添~ 過2日噹噹嘔左2舊疑似索膠出黎, 就好返曬了~ ^^ 記得18/4老媽上黎食飯死噹噹乖到飛起, 其實病到溫溫鄧鄧~ XD~ 今次亞鼠幫佢睇左九百幾蚊呀~ @o@ 包埋杜蟲藥同心絲蟲藥等~24/4 睇古巨哩演唱會, 好似係我睇第一個三面台做得好睇既show~ 我覺得巨哩做過兒童知識比賽後講野叻左~ 但亞鼠話佢果日把聲爛左 XD~ 窮極都要睇$100, 好想睇近d呢~事關噹噹成日周地食, 我地終於的起心肝去奧海城出面廣場放狗…..一二次 XD~ 因為果度比較遠呢~ 而且無椅坐, 四隻眼又要睇實苯噹噹, 驚死佢走出馬路或唔見左~ 始終不是狗公園般有圍網嘛~30/4 我開會, 亞鼠傳個短訊黎話唔見銀包ToT, 我除左安慰外咩都無做, 結果被討厭了~ ^^a 開會中有保密來電我禁錯收線制, 好彩佢打多次, 有個印巴藉男人問我係咪亞鼠~ 我初時話係, 到佢話 lose 乜乜我至知佢係執到銀包, 太好了~ 謝天謝地~ 亞鼠終於失而復得~ 諗起佢最近的運濟真係痾哩吉帝, 都係時候轉下運氣了吧~ XP~26/4約左老哥睇地球毀滅密碼, 同大部份網友算唔多, 老哥都話又係…又係羅亞方舟, 前面有幾好都被搞泡了… 睇完就散場了, 因為老哥上黎無野做呢~1/5約左郭米雪整芝士蛋糕, 騙左仙迪黎幫手 XD~ 整到V嘩鬼叫剛好落街睇狼人外傳, 又幾好睇喎~ ^^ 出黎既結晶好好好味道~ 如果下次仲有得食就好了~ X9~2/5約左狗友到彭福公園, 有唐狗維維、伯恩山細B、超型阿富汗同主人四哥 XD~ 前一日噹噹唔知係咪經過暴曬發溫唔食野, 都驚佢唔舒服去唔到, 好彩佢又回光返照~ 去到我同鼠鼠又獨行俠咁唔跟大隊, 自己行左個圈, 都係搵返門口大樹蔭下同水池樹叢玩最好, 噹噹搵到隻白色唐狗女同佢玩, 鬼死咁開心 ^^ 到我地玩到夠皮想走d狗友都仲未見影 |||= = 結果等多陣同埋伯恩山同阿富汗回家了~放咁多日假, 都要陪下家人, 3/5返牛舍打牌, 亞鼠食左4次爆棚喔！大贏家！^^ 風水輪流轉呢~ 跟住好似落街買2隻焗薯一人一隻又去飲野了~ 老媽食肯得雞, 老哥要牛肉飯~ X9~牛舍臭苯芝交左比老哥照顧, 佢已年屆十一, 之前生蒼係pat pat, “牛”到好返5月頭個咀又爛左 T_T 7/5同老哥一齊帶臭芝去睇鬼佬醫生, 個consultant fee係天價… 打支針$15, 無藥叫我地買嗽口水同佢洗洗就得了~ 好彩唔洗食藥, 臭芝會爪爪發光 ^^” 辛苦老哥幫臭芝洗咀咀了~ m(_ _)m8/5去飲親戚結婚酒, 新娘子十句都無傾過~ 都唔明禮俗個本意係乜~ 本來決定唔去的了, 可是最後老哥話老爸想去才又去了, 要孝順自己個老豆我就明既~ 雖然我有心無做吧~ XD~ 可憐我又坤左亞鼠幫我搬鞋櫃又自己洗開左…9/5母親節~ 約家人帶死噹噹遊長洲~ 路途相當求其, 一到步帶母親大人到渡假屋抖抖, 送上涼水飲下~ 我同鼠大人老哥落東灣玩水同曬太陽, 死噹噹淨係識係d水度彈跳~ 一d都唔識游 XD~ 仲成日想聊隻游水健將黑色拉布拉多女女玩, 你… 收皮吧啦… 玩左大約半個鐘, 我都投降了, 拖住死噹噹實在太累… 返上樓搞沖身一大輪, 齊齊落去行下市集, 老媽咩都無興趣, 不介意陪我地一齊行就是了~ 最後搵野食, 抄小菜, 麻麻地… 坐坐下鼠鼠才提起20:30有曼聯打曼城打比, 唯有老哥同老媽走先, 我地再去酒吧睇波~ 返到屋企仲睇到少少車仔對亞仙奴呢~ ^^ 8/5如常係公司如廁, 手機之前在狗公園斷了頸繩, 最不幸的事情發生了… 手機碌左落馬桶山崖最深處… |||= = 牛也是勇敢的伸出救援之手, 手機還是斷氣了… 我第一時間話比親愛的鼠大人知, 鼠親親即刻送左半部電話比我 TvT 除左笑之外佢對我太好了~ 仲有一半係老哥既~ ^皿^ 之前仲有一條劍仔鍊呀~ 好鐘意呢~ 遲d全身都可能係亞鼠買的…
留言(0) | 引用(0)