28/2去考民安隊, 唔夠高呢~ 浪費了心機~ XP~ 晏d老哥又來幫我整野, 真係感激不盡, 晚上同大家食抄小菜~ 老媽點了好鐘意食的鼓汁蒸白鱔, 貴左少少但佢鐘意食~ X9~ 偷左少少步帶噹噹去打第三針, 佢已經大到咩裌咩袋都放唔入… 雖有拖住佢走啦~ 處男落地~ 初時佢連行都唔敢行, 有點停步不前~ 都係拎返個裌落黎陪佢行有安全感d…冏… 亞鼠一邊拖一邊叫住噹噹, 教佢過馬路要坐低等等~ 佢都幾聽話~ ^^ 回程時到我拖, 嘩~ 同佢鬥扯, 原來好累呢~ 大過點算呢！？ 記得佢第一針時重約5kg, 第二針約7kg, 第3針已13kg了~ 穩步成長~ 返到屋企累到賴左2次尿 =”=# 不得同情！第2日見佢都係精精神神, 決定帶佢去洗白白, 一心期待佢會耳目一新, 點知還是個蠢樣… 咀咀2邊沒有變白~ 因為本牛唔記得帶瑣匙, 鼠鼠要同噹噹散步等我, 亞鼠話好多街坊留意蠢噹噹, 有人話佢個嘴太短, d腳頗粗… 已經有心理準備佢大過會係一隻侏儒雪橇~ 夜晚K請食晚飯~ 死噹噹又賴2次尿, 沒有學習能力的嗎？！=”=# 再夜d睇曼聯射十二碼贏熱刺, 棒走盃仔~ 熱刺唔出羅比堅尼, 我相信出佢會唔錯呢, 個7字連儂好突出, 有速度同技術, 可惜獨腳難保天尊~
