6月份放左好多假期, 連埋星期日、大假、病假同打風黑雨端午節, 總共有11日~ 1/7又放, 原本以為會放煙花, 連腳架都已經揹埋上身, 結果等到打電話比綜合熱線中心先知無煙花... 類似事件多次發生, 話說某個星期六想去游水, 點知雷暴警告阻頭阻勢, 然後某晚搭巴士回家, 巴士在荒蕪之地拋錨, 要係巴士呆等下一架巴士... 又有約左人交收但對方放假都唔單聲, 摸門釘 (="=) 唔通真係我咩都懶得查既報應嗎...

21/6 去大埔睇螢火蟲, 去到集合地點團體分批搭的士上蟲仔園, 又可以叫猛鬼橋, 話以前有個老師同一班學生係橋底避雨比突如其來的洪水溺斃而得名~ 一上山用電筒照斜坡引水管搵甲怪, 然後一個截水閘池上有隻蛙, 約19:00有幾隻果蝠飛過~ 一路見到中國蜥蝪、佢地d蛋, 蜘蛛、足節蟲、蚱蜢等, 去到蛙池鬼殺咁嘈, 但反而不易見到青蛙~ 沿途反而見到普遍的沼蛙、會退後的牛蛙、的適的樹蛙, 仲有隻粗邊的※蛙唔記得個名啦~ 導遊話要睇蛙, 最好沿著水流睇, 可以睇到好多野, 山邊係無野好睇既~ 郊外好多星星, 可惜無停留慢慢睇, 中途一隻好靚既天牛註足係欄杆, 話係食木o既~ 所以入口樹木或傢俬會查得比較嚴, 我未見過, 覺得好靚~ 到某d山谷位或者橋底, 有些螢火蟲聚集, 四圍靜靜地, 聽到流水聲, 幾點光~ 雖然不多, 也不錯啦~ 細個唔洗專登上山睇的螢火蟲, 而家要去到老遠先見得返~

6/7睇左街頭超人, 同老哥一齊睇星期日早場, 估唔到都幾好睇, 以為只係一部搞笑加寂寞超人片, 原來仲有另人意外的劇情, 只有細心才會發現到, 我太粗心啦~ 12/7又睇戲, 睇赤壁, 被搵苯, 睇完至知要下集才有火燒連環船.... 從戲名完全無呢個說明 ="= 如果唔係, 我可能只會睇下集, 最深印像係關羽每個畫面都好有post, 其他一般啦~ 中國景幾靚~ 睇完戲最擔心的事出現了, 係咩事就唔講啦, 我希望幾個歲月後回頭看, 結果會發現只是小事, 一個小風波~ 好快過 ^^

19/4去左搭門散步, 首先在黃石碼頭搭了快艇, 舒服過渡輪~ 一到步買左隻雞泡魚, 而家唔知去左邊, 行2步又買了可樂, 再行多2步路過一座廟, 經過村仔正式上路~ 途中遇見了牛, 猛咁食草~ 上到山坡, 大片草地, 果排太悶, 就係需要同草木玩遊戲~ 今次係由死靚仔在網站發現呢個好地方 ^^ 景點山坡平坦, 遊人放狗, 襯埋公園長櫈、路徑工整, 似個後花園多d, 山坡下面係無敵海景, 行下行下又比我地惦到疊石, 側邊有一堆專業攀山人仕在崖壁四腳爬爬, hea完返上山坡就要出下力啦~ 上山後找尋隱蔽草堆, 發現有牛小便！四圍地雷！沿途墓碑引路返落碼頭, 輕輕鬆鬆的回家訓覺~

26/4報團到清遠遊覽, 2日一夜搭左約廿個鐘頭車, 搭咁耐車, 就係去睇好野~ 太耐唔記得詳情, 第一景點係遊船遊覽清遠小三峽食河鮮宴, 粗茶淡飯都好好食X9~ 2邊有寺廟同觀音像, 仲有一度興建中既橋樑, 河水泥黃, 小山有一得樓房一叠叠, 好有特色~ 跟住遊車河, 望下廣東十里畫廊~ 十里內2邊翠綠小山奇型怪狀, 好有武俠小說 feel~ 馮搭車就會訓既朋友好易錯過~ 跟住一路搭一路坐一路訓, 腰骨酸完又痛, 痛完又酸, 終於去到彭家宗祠, 人稱小布拉格宮, 故仔係話以往係山寨, 寨主有十個老婆, 寨城築於高處可察敵情, 仲有逃走路線添~ 個寨ok啦~ 最吸引係四圍的小山景、農地景, 什麼左青龍右白虎, 其實都係2座小山, 我覺得青龍似燒豬多d, 哈哈, 咁o岩黃昏, 雖然蛋黃走左, 都好靚~ 期間見到雞、狗、水牛, 鴨最得意, 成群比我地嚇到衝曬落水, 個屁股勁扭~ 然後坐車返海螺縮埋抖抖...  果晚好似有曼聯煞科戰, 揀左唔睇黎旅行~ 第2天去期待既寶晶宮, 好大、好大既溶洞, 又有故仔, 係因為有牛跌左落去, 由村民發現後通知部門, 雖然五顏綠色的燈似乎人造了點, 但黑忟忟都無辦法, 另個角度當燈飾都唔錯, 幾廿個影相位問遊人影唔影相, 終於都係自稱最後機位屈服... 影得幾好啦~ ^^ 跟住去左小黃山萬壽寺, 坐到扁曬, 我終於可以行下啦~ 上到山亭又睇下建築中橋樑, 中國都係地大物博, 度度都發展緊~ 最後係喔錢加景點, 落住狗屎坐小艇入另一個最長溶洞參觀, 其實都幾特別既體驗~ ^^ 好多鐘乳石古靈精怪既形狀, 2個落湯雞換曬戲服坐到死為止終於返到豆啦~

嘩~ 原來成個3月都未寫過Blog, 唔通真係咁忙... =.=a

成個3月玩左咩, 真係唔記得十足, 盡寫吧~

2月放完新年假, 又抄鑊甘~ 又係我多舊魚防守, 記著了~ 唔好o既野講左先, 跟住3月又出事... 要拖出去七頭閘待候, 現在有僱問咪幾好~

瘋狂演唱會可以抖下啦... 首先有首度來港的蔡健雅, 又一創舉, 歌都未聽過一首就聽演唱會啦~ 我只聽過師父唱過一首什麼煙的, 很好聽~ 二手飛無特價, 都無覺得唔值, 因為現場氣氛很好, 歌手有實力, 呢個演唱會值得聽~ 16/3睇林海峰是但嗡, 第一次現場睇talk show, 都幾好笑~ 黎緊又有第2場, 又係撲飛既時候, 跟住有聽極都唔熟識o既陶喆, 唔好彩我當時有一邊耳仔聾左, 無記錯係29/2怒射老板, 28/2因為感冒而發燒, 以為發燒以至頭痛慾裂, 好耐都無試過咁能痛, 有師父陪著睇醫生真係感動, 倒返轉頭我都要咁樣, 過2日右耳塞左, 又要再睇醫生... 至發覺原來係久違的中耳炎, 塞左個幾禮拜, 累我放左做拿飛機, 唔痛, 係咁「吓」o者~ 頭痛真係好橙架~~ 聽陶喆唔知佢講乜, 但有人話好聽, 咁就好聽~ 6/4再睇張敬軒~ 正呀~ ^^ 氣氛一流, 嘉賓竟然有陳※信！！同埋有謝安琪、王苑之、鄧健宏, 真係唔睇呢場走寶~ XD~ 師父當然興趣到唔知點算好~ ^^ 好彩買左貴飛, 很好很好~ 現在我預言就黎到深先生啦~ 慢慢黎吧~

肥肥仙遊了... 大家不要傷心~

唔記得幾時冒雨去大生圍, 竟然有好心夫婦 (唔確定)拯救進退兩難既小妹妹們(死), 上左佢地架高級自動靚van遊車河~ 睇到好靚, 途中不少朋友仔無我地咁好彩啦~ 落車行左一少段, 都叫坐過艇仔, 下次又要再去！驟雨吖拿！

復活節報左大陸團玩, 好特别既團, 第一日11:30先搭船到酒店, 無任何景點安排, 一直hea到夜晚去酒吧街飲野睇曼聯勝波~ ^^ 之前搵川菜食, 真係好食~ X9~ 但有個社工導遊... 仲要全程唱歌轟炸耳仔... 第2日上晏去類似長洲既咩梅沙, 下晏去三十億打造東方華僑城, 靚過迪士尼就唔洗講, 等機動遊戲整好, 我想再去多次, 尤其要帶師父坐下汽球, 咁就唔洗流曬口水~ ^^

4/4 清明節, 老哥今年竟同步移動, 好開心~

5-6/4過大海, 一去到已經3點, 再次去到好運o既格蘭酒店~ 然後出發去珠海食勁飽打邊爐$47、玩好玩高卡車, 不過幾貴, 要$35十分鐘... 跟住有風洗盡利咁著住衫、唔沖涼、濕立立都要泵一個鐘頭骨至過關, 跟住去無得睇波既酒吧街無聊... 然後返去沖涼同偷偷摸摸買宵野, 第朝又再去偷偷摸摸食勁難食早餐, 然後買左老媽老婆餅~ 再去觀摩威尼斯人, 都有d驚喜 ^^ 入面有曼聯專買店, 買左頂cap帽同匙扣約$160, 超值~ 四點幾就趕返紅館睇軒仔~

太長了~ 下次再補充！！

2/2好似平時咁留係屋企, 甜品打孖黎, 總會聚埋一齊, 話之你幾時~

3/2約了大顆兒到元朗食海鮮, 已經覺得, 雖然未及預計般抵, 但絶對唔介意 (#= =) 只要有一個人記得, 我就滿足... 跟住漫遊太空發夢無咁早

7/2大時大節, 都係拜年又拜年... 但今年無得返O, 更加難受, 今年遇上寒流, 由1月已經開始徘徊於12度, 年年都嫌唔夠凍, 終於夠曬皮啦~ 超曬班~ 真怕黎緊夏天熱到※街, 難得有3日假期, 咩街都無得去, 仲要擔心, 咁緊張做乜, 只自己小心點、平安就好~ 祝各位平安大吉！財源廣進！

12/2睇克勤演唱會, 有唱鐘意o既舊歌, 又有嫻姐做嘉賓, 期待佢地出好聽新歌~ 跟住睇魔街理髮師, 故仔有新意, 如果唔係歌劇仲好, 呢套都算係一隻三級片, 跟住15/2睇甩褲城演唱會第二回合, 第一次去機場亞洲博覽館, 未坐低就跪低... 個場好正, 闊過、舒適過紅館, 城哥個4百幾度旋轉舞台正到痺~

13/2去佐敦圓方商場, 好似IFC咁高檔到買唔到野, 附近海濱公園仲吸引 ^^ 同場仲有奧運福娃紙紮公仔點綴~

16/2到元朗紅磚屋, 最鐘意間蠟燭舖頭同食芝士餅既工作室, 夠氣氛~ 跟住落有機大王摘士多啤梨, 可能過左少少當造期, 細細粒~ 有d好好食、有d無乜味、有d熟到林趴趴, 勝在夠新鮮, 食得好開心~ 玩完大大隻兔仔後落毛毛雨, 索性係隔離什麼鄉村俱樂部燒野食, 好野~ 食到痴肺返市區再睇埋球賽, 超滿足~

前排天使貓生日, 忙到唔知自己做緊乜, 所以無時間寫野, 有返大陸泵骨過夜食野(今次去d high grade d既 ^^)、睇門逃同孔巨鬥塞死dvd、買衫褲鞋襪、去搶奪某太家當、睇經癲短補、唱K、飲下食下...

星期五晚公司係馬會餐廳end new 癲拿, 我未見識過, 好好彩同日有長輩壽宴, 咁開心我唯有2邊走, 禮物半舊都抽唔到, 失敗... 忙到咁我又無諗清楚, 所以一如以往返屋企混混, 混混愕愕期間越坐越不安, 後悔返屋企混, 羅你命音符同短訊不停傳黎傳去, 一開波就搞成咁, 我真係萬死不足, 唯有揹住包包衝破難關死出去領死... 淨係等車已經等左好耐... 死火... 講咩狗辯好呢？等呀、等呀, 著住天使袍的貓等等下應該變成鬼了... 見到無乜殺氣既魔鬼係條街度罰企, 一定係好日子加心情好再加好彩, 魔鬼滿意咁偷左把鎖, 送比妳的第一個生日嘛~ 我又要哈哈碌碌咁符符碌碌過關 ^^

第2日放工去漁農署舉辦既有機街市觀光, 有礸石淡水魚、有草既花生、有熱到仆佳既天氣、有應景到爆熱情如火既熱情果(幾好食架X9~ 可以連核食落肚) 第一次食唔係好敢, 揹左成日想食好耐架啦~ 天使試完後震撼左幾秒, 跟住以超速毀滅^^, 跟住夜晚去西南邊探險, 眼訓到波都無睇, 特別的日子我當然想一起過呀~

19/1去昂坪山碌拎, 龜速纜車條跑道有d過長, 廣告實在拍得太好, 搞到無咩驚喜, 夜景反而幾靚~ 個廣場幾好行, 買入場卷送成4張$20比我洗, 我買左一隻保平安既怪獸仲可以一次過使用, 抵呀~ 睇埋祖國風格的靈猴乜乜卡通、與佛同行, 講佛祖始創人的故仔(唔記得乜名), 又探下大彿, 行下心經”簡”林, 遠觀鳳凰山, 雲霧蓋頂好靈異, 下次可以近距離體驗 ^^

由於生日週較為忙碌, 老哥激動爆燈, 沒有需要啊~ 天地日月為證, 我流的血就是姓陳的血, 我回的巢就是牛頭瘋巢, 我老哥就是你老子, 放鬆~ 你讓我自然修行, 就算天地無眼, 我都係九死一生, 跟住無咁忙架啦~ 你聽我吹啦~ 吹埋呢次啦~~

23/1-27/1出發去北海盜, 因為少人報既關係, 延期左一個星期, 仲好, fit曬我開會表演既日子~ 前一日己執曬行裝... 第朝可以訓醒馬上走人, 拖匧起程, 爽呀~ 點知成個背囊唔記得帶... OTZ...  背囊原來擺左護照... 我唯有厚著面皮要求老哥救命, 2脅插刀既老哥黎到, 我仲要強搶佢5舊, 要黎比導遊費... 我仲係咪人黎架？T.T 到達札幌千歲機場, 去旭川拉麵村, 去左青葉食 X9~ 然後去旭川格蘭住, 呢間酒店已經係格局最大架啦~ 由於日本17:00就天黑, 無夜遊節目, 於是訓覺覺啦~ 雪好似圓碌碌細細粒既百寶膠咁飄下飄下... 得閒就將d雪踩下踩下 ^^

第2日安全食早餐, 出發去「暢玩雪上電單車(自費)、氣氛猶如占士邦007一様」, 我同力高分開自己揸~ 間經我片落大坑, 有3個大力士幫我推返架車上黎 XP~ 但都唔及某貓表演急轉彎飛身720度轉身面部落地頭盔面罩飛甩咁激~ 咁利害既畫面我睇唔到... 轉述自表演者本人... 好激！跟住去旭川動物園, 有北極態、海獅八爪魚、獅子老虎豹、貓頭鷹、鶴、浣熊等等, 錯過左長頸鹿, 主打睇企鵝, 好趣緻 ^^ 跟住去雪之藝術館, 幾靚架~ 無雪花形狀的精品, 可惜~ 臨走前學人玩下搖樹, 睇下d雪會唔會撻曬落黎, d樹好穩紮呀~ 跟住去定山溪萬世閣訓塔塔米, 又換下浴衣, 好特別~ d地舖床好舒服~ 話說本團最少享用兩晚露天溫泉酒店, 多口詛咒人地既人終於得到報應, 搞到第一日落地就中奬, 果個某利就係本牛啦~ 哈哈~ 妳老味呀~ T.T 跟住比病到無氣既導遊老點, 趕住去居酒屋飲返杯生啤, 然後有得浸溫泉既人浸到谷爆 XD~ 由樓下爬到樓上棉被面死掉~

第3日勉強食得切早餐, 但要各團友稍等, 第一站去左熊牧場, 同場有浣熊縮下縮下咁向你要曲奇, 但我一心一意要掟大棕熊, 於是買左2袋蘋果, 只係比我掟中一下咁大把, 某人掟埋入熊個口添 =3= , d熊無朋友所講咁敏捷, 但企身拍手掌又幾過癮~ 跟住去支笏洞爺國立公園既登別地獄谷, 沿途導遊介紹昭和新山同有珠火山, 係係架車度離遠望下, 落車d流黃味好重, 重鬼死咁跣~ 但上到去個景都好靚, 不過錯過左睇泉眼, 好凍, 是但啦~ 然後去海鮮市場揀長腳蟹、扇貝同螺去沙bu沙bu, 唔錯的~ 但都係香港好食d, 下晏去登別伊達時代村, 睇個無聊show XD~ 但玩個迷宮都幾得意, 其他野都好搞笑 ^^ 然後到洞爺湖萬世閣拎張紙黎訓覺...

第4日早上都仲食到2個麵包, 又出發去國際滑雪場嘻哈, 呢日大雪到無倫, 手都凍到無曬感覺, 一直都好想滑雪, 因為有型 ^^ 時間關係, 只係學※街起身、滑行同轉彎, 好好玩~ ^^ 原來徹底埋入雪堆好難行動, 就算凍都好開心~ 玩到整唔見左人地手襪... 上午咁就過左, 下晏去小樽運河, 四周建築物的確好靚, 夜晚黎睇會更靚吧~ 杯6環雪糕好好食 X9~ 飲左2杯咖啡拎走2隻哈囉吉蒂杯, 參觀水晶音樂城, 買左一個自製的~ 事關大風雪, 高速公路封曬, 行國道塞到媽媽聲... 咁就去左食自費牛扒、燒鮑魚等, 食唔出有咩咁驚人 =.=a 但食左幾日, 發覺日本飯甜甜的, 好好味~ 食完係百貨公司兜左2個round, 咩都唔o岩~ 但經過國立公園, 正在經行雪祭準備, 樹的燈飾加上鐵塔效果好靚... 都趕到影返張相~ 跟住返唔記得乜名既酒店又訓教...

第五日終於連麵包都食唔到 T.T 蝕曬... 趕頭趕命咁去支笏湖觀摩, 鬼死咁凍, 咁o岩有冰雕展, 凍又唔著衫都要影相... 跟住去狸小路商店街, 得2間有開|||= = 再行千歲時尚outlet, 只行左like, 連飯都食唔切, 但有免費可樂飲 ^^ 最後搭飛機返屋企lu~ 有d唔捨得... 誰不知係香港等行李等左成個鐘頭, 頂佢個肺~ 生啤原來意思係頭抽咁既意思~ 日本之遊日日都好好玩, 朝朝都好唔捨得張床, 晚晚都好實在~

26/12 留返比屋企人, 今年無佈置, 硬係掙少少~ 安慰下自己, 唔緊要啦~

為左證明自己係一心一意, 決定連根拔起, 沒有難受, 只有少少自討沒趣, 但亦好高興, 好想即刻報告的, 因為已經證實了...

27/12 輪到我發老皮, 沒有誰對錯吧~ 只是讓妳了解我多一點吧~ 我以為無事啦, 太天真啦~ 仲慘過斬到一頸都係血, 何必呢~

30/12老媽放飛機, 我感冒未癒跑去唱K~ 又奶失聲, 上年既番鬼佬年尾手機失聲, 難道今次輪到我？無咁易~ 我飲咸竹蜂加甘草, 一打開焗好的飲品, 隨即有2個蜂頭浮係上面, 唯有咪實個木咀品嚐, 味道可口, 唔似肉唔似菜, 飲完確係緩和, 多謝新公司方姐推介 ^^ ; 我睇變態後生醫生, 想同我打針？收埋個能樣先啦~ 比曬d特效藥我就得架啦~ 不過d藥又ok, 差d想再幫襯, 不過輪籌搵藥要2個鐘, 後會無期啦~

31/12放工同力高、仙迪同雞脾去澳門, 係渡輪上有小風波, 我忍唔住既時候請冷落我, 我慢慢就會好~ 放心好了~ 落船後第一站由雞脾發板, 食左九如坊~ 木糠蛋糕好正 X9~ 果陣仍未開聲, 但去玩又點忍到唔出聲呢~ 不停地被人稱作乾扁人, 咁我表演下都無所謂既~ 跟住由關閘過境到拱北, 在珠海福海酒店過夜, 好舒服~ 可惜閘口關00:00, 如果唔係係澳門倒轉應該更好玩, 但仍可過到關在廣場迎接2008~ 也夠特別 ^^ 翌日行氹仔食公雞, 我都係鐘意食魚多d, 何惜錯過了老婆餅, 對唔住母親大人, 跟住去新世紀希臘神話輸錢, 我一d都無感覺、無傷心、無心痛掛... 下次要去星際、比巴倫勝返 #(=皿=) 跟住食瑪嘉烈蒲撻, 亂咁黎 XP~ 跟住去買手信牛肉乾比死肥信, 最後去漁人瑪頭兜個round, 由於有團友要赴宴 (恭喜社會主社, 星矢同新聞講波佬^^) 我地共同進退18:30就返香港啦~ 實在唔夠喉, 開心時間過得好鬼快~ 回港去尖咀亞貓地舖食晚餐, 喜歡貓的人很頑皮也很可愛~

1/1/2008回家訓覺鬧醜聞, 絶對不會有下次！多手就斬掉！歡迎2008！